Friendship is one of the most special bonds in life. Dosti shayari English expresses the feelings of trust, fun, and love between friends in loving words. It shows how friends make our days brighter and hearts happier. Reading these lines can remind us of the joy a true friend brings.
People love friendship shayari because it brings back memories of laughter, shared moments, and small acts of care. It captures jokes and talks that make friendships strong. Even if friends are far apart, these lines keep the bond alive and close to the heart.
Short dosti shayari English 2 lines celebrate togetherness and loyalty. Each line shows how friends support, inspire, and make life more enjoyable. These words turn memories and emotions into poetry that everyone can relate to.
Heart Touching Dosti Shayari In English For Friends
Saath agar doge to muskuraayenge zaroor,
Pyaar agar dil se karoge to nibhaayenge zaroor.
Kitne bhi kaante kyon na ho raahon mein,
Aawaaz agar dil se doge to aayenge zaroor.
Na jaane saalon baad kaisa samaa hoga,
Hum sab doston mein se kaun kahaan hoga.
Phir agar milna hoga to milenge khwabon mein,
Jaise sukhe gulaab milte hain kitaabon mein.
Tamanna karte ho jin khushiyon ki,
Dua hai woh khushiyan aapke kadmon mein ho.
Khuda aapko woh sab haqeeqat mein de,
Jo kuch aapke sapno mein ho.
Ek jaise dost saare nahin hote,
Kuch hamaare hokar bhi hamaare nahin hote.
Aapse dosti karne ke baad mehsoos hua,
Kaun kehta hai ‘Taare Zameen Par’ nahin hote.
Mil jaati hai kitno ko khushi,
Mit jaate hain kitno ke gham.
Message isliye bhejte hain hum,
Taaki na milne se bhi apni dosti na ho kam.
Phool bankar muskurana zindagi hai,
Muskura ke gham bhulana zindagi hai.
Milkar log khush hote hain to kya hua,
Bina mile dosti nibhana bhi zindagi hai!
Nafrat ko hum pyaar dete hain,
Pyaar pe khushiyan vaar dete hain.
Bahut soch samajhkar humse koi waada karna..
Ae dost.. hum waade par zindagi guzaar dete hain.
Kaun kis se chaahkar door hota hai,
Har koi apne haalaaton se majboor hota hai.
Hum to bas itna jaante hain…
Har rishta “moti” aur
Har dost “Kohinoor” hota hai.
Doston se hi dosti ki shaan hoti hai,
Ho dost to mehfil bhi anjaan hoti hai.
Dosti se hi jahaan hai kaayam yaaro,
Dosti hi rishton ki pehchaan hoti hai.
Koi daulat par naaz karte hain,
Koi shohrat par naaz karte hain,
Jiske saath aap jaisa dost ho,
Wo apni kismat par naaz karte hain.
Top Friendship Shayari In English
Chahat wo nahin jo jaan deti hai,
Chahat wo nahin jo muskaan deti hai.
Ae dost chahat to wo hai,
Jo paani mein gira aansoo pehchaan leti hai.
Dost ko dost ka ishaara yaad rahta hai,
Har dost ko apna dosti ka naata yaad rahta hai.
Kuch pal sacche dost ke saath to guzaaro,
Woh afsaana maut tak yaad rahta hai.
Waada karte hain aapse hamesha dosti nibhaayenge,
Koshish yahi rahegi aapko nahin sataayenge.
Zarurat kabhi pade to dil se pukaar lena,
Kisi aur ke dil mein honge to bhi chale aayenge.
Pyaar se kaho to aasmaan maang lo,
Rooth kar kaho to muskaan maang lo.
Tamanna yahi hai ki dosti mat todna,
Phir chahe hanskar humaari jaan maang lo.
Har khushi dil ke kareeb nahin hoti,
Zindagi ghamon se door nahin hoti.
Ae dost dosti ko sanjho kar rakhna,
Dosti har kisi ko naseeb nahin hoti.
Umeed ki hasti ko koi dooba nahin sakta,
Roshni ka diya koi bujha nahin sakta.
Humaari dosti hai Taj Mahal ki tarah,
Jise koi dobaara bana nahin sakta.
Aapka saath hai to mujhe kya kami hai,
Aapki muskaan se milti mujhe khushi hai.
Muskurate rehna dost isi tarah hamesha,
Aapki muskurahat mein meri jaan basi hai.
Dil ki kitaab kuch is tarah banaayi hai,
Har panne par aapki hi yaad samaayi hai.
Phat na jaaye ek bhi panna isliye humne,
Har panne par dosti ki lamination chipkaayi hai.
Yaadon se zindagi khoobsurat rahegi,
Nigaahon mein har pal yeh soorat rahegi.
Koi na le sakega kabhi aapki jagah dost,
Humein hamesha aapki zarurat rahegi.
Ek hai aasman ka taara,
Ek hai zameen ka sitaara.
Bewafa hai zamaana saara,
Naseeb hai accha hamaara.
Jo mila dost aap jaisa pyaara.
Trust Friendship Shayari For Loyal Friend
Dosti ki raah mein had se guzar jaayenge hum,
Aankhon ke raaste tere dil mein utar jaayenge hum.
Ae dost tu agar aane ka waada kare to,
Teri raahon mein phool bankar bikhar jaayenge hum.
Aapki dosti ne humein jeena sikha diya,
Rote hue dil ko hansna sikha diya.
Karzdaar rahenge hum us Khuda ke,
Jisne aap jaise dost se mila diya.
Ek taabeez teri meri dosti ko bhi chahiye
Thodi si dikhi nahin ki nazar lagne lagti hai.
Tere har ek dard ka ehsaas hai mujhe,
Teri meri dosti par bahut naaz hai mujhe.
Qayaamat tak na bichhadenge hum do dost,
Kal se bhi zyaada bharosa aaj hai mujhe.
Dosti wo ehsaas hai jo mitta nahin,
Dosti wo parvat hai jo kabhi jhukta nahin.
Iski keemat kya hai poochho humse,
Ye wo anmol moti hai jo bikta nahin.
Nafrat karo unse jo bhulana jaante hon,
Rootho unse jo manana jaante hon.
Pyaar karo unse jo nibhaana jaante hon,
Dosti unse karo jo dil lutaana jaante hon.
Dosti chehre ki meethi muskaan hoti hai,
Dosti sukh dukh ki pehchaan hoti hai.
Rooth bhi jaaye hum to dil se mat lagana,
Kyunki dosti thodi si nadaan hoti hai.
Apne dil mein humein bhi basaye rakhna,
Humaari yaadon ke chiraag jalaaye rakhna.
Bahut lamba hai zindagi ka safar mere dost,
Iska hissa humein bhi banaye rakhna.
Maangi thi dua humne Rab se,
Mujhe dost do jo alag ho sabse.
Usne mila diya humein aapse,
Aur kaha sambhaalo ise, ye anmol hai sabse.
Aao taalluqaat ko kuch aur naam dein,
Ye dosti ka naam to badnaam ho gaya.
Nanhe se dil mein armaan koi rakhna,
Duniya ki bheed mein pehchaan koi rakhna.
Achhe nahin lagte dost jab rehte ho udaas,
In hothon par sada muskaan koi rakhna.
Best Friend Love Dosti Shayari In English
Dosti naam hai sukh-dukh ki kahaani ka,
Dosti naam hai sada muskurane ka.
Ye koi pal bhar ki jaan-pehchaan nahin,
Dosti naam hai sada saath nibhaane ka.
Gungunaana to taqdeer mein likha kar laaye the,
Khilkhilana doston se tohfe mein mil gaya.
Hum to patjhad mein bhi bahaar le aayenge,
Hum gehri udaasi mein bhi pyaar le aayenge.
Doston aap ek baar dil se awaaz to do,
Hum to aapke liye… maut se bhi saanse udhaar le aayenge.
Boondon se bana hua chhota sa samandar,
Lehron se bheegti chhoti si basti.
Chalo dhoondein baarish mein dosti ki yaadein,
Haath mein lekar ek kaagaz ki kashti.
Zindagi ke saagar ka ek hi kinara hai,
Ye kinara sab kinaaron se pyaara hai.
Tu mujhse kabhi mat roothna ae mere dost,
Mujhe is duniya mein bas tera hi sahaara hai.
Manzilon se apni kabhi door mat jaana,
Raaston ki pareshaniyon se toot mat jaana.
Jab bhi zarurat ho zindagi mein apnon ki,
Ae dost hum tere apne hain ye bhool mat jaana.
Dil se dil badi mushkil se milte hain,
Tufaano mein saahil badi mushkil se milte hain.
Yoon to mil jaata hai har koi,
Magar aap jaise dost naseeb waalon ko milte hain.
Ae dost teri dosti par naaz hain,
Har waqt milne ki fariyaad karte hain.
Humein nahin pata ghar wale batate hain,
Hum nind mein bhi aapse baat karte hain.
Gunah kar ke saza se darte hain,
Zeher pi ke dawa se darte hain.
Dushmano ke sitam ka khauf nahin humein,
Hum doston ke khafa hone se darte hain.
Dost zindagi ka chaand hota hai,
Dil zameen ka aasmaan hota hai.
Badnaseeb wo hote hain jinka koi dost nahin,
Kyunki dost to dhadakte dil ki jaan hota hai.
Short Dosti Shayari 2 Line For Status
Dooriyon se farq padta nahi, baat to dilon ki nazdikiyon se hoti hai
Dosti to kuch aap jaise logon se hai, warna mulaqat to jaane kitne logon se hoti hai
Dosti ka geet hum gungnaya karte hain
Dosti mein kabhi hanste hain to kabhi rulaaya karte
Hum kehte hain zindagi bhar saath nibhaayenge
Lekin log aksar bichhad jaaya karte hain
Do raaste zindagi ke, dosti aur mohabbat
Ek jaam se bhara, doosra ilzaam se
Mohabbat mein woh paagalpan kahan hai
Jo ek achhe dost ki dosti mein hota hai
Shayad phir woh taqdeer mil jaye ke woh haseen pal mil jaye
Chal phir se baithen woh class ki last bench pe,
shayad phir se woh purane dost mil jayein.
Sach kahoon to aap har pal yaad aate ho
Jaan nikal jaati hai jab aap rooth jaate ho
Dosti har waqt milne se nahi hoti
Dosti to dil se hoti hai
Dost hansaane wala hona chahiye
Rulaya to zindagi bhi deti hai.
Log daulat dekhte hain, hum izzat dekhte hain
Log manzil dekhte hain, hum safar dekhte hain.
Phoolon sa taza rehta hai samaa mera
Jab mil jaata hai ae dost saath tera.
Ae dost teri dosti masal angur hai
Milna to chahta hoon lekin manzil bahut door hai.
Gun milne par shaadi hoti hai
Aur ayb milne par dosti! Dosti mubarak
Dushman ki mere samne baithne ki auqat nahi
Aur doston ke saath main chaal nahi chalta
Dost ban kar bhi nahi saath nibhaane wala
Wohi andaaz hai jaahil ka zamane wala
Dosti achhi ho to rang laati hai,
dosti gehri ho to sab ko bhaati hai.
Dosti nadan ho to toot jaati hai,
par agar dosti apni jaisi ho to tareekh banaati hai.
Meri saltanat mein dekh kar qadam rakhna
Meri dosti ki qaid mein zamaanat nahi hoti.
Dosti Ke Liye Sad Shayari In English
Dushmanon ki jafa ka khauf nahi
Doston ki wafa se darte hain
Dost ne chhod diya dost ka saath
Kyunki dost ko choo gaya ek ladki ka haath
Kya pata tha dost aise bhi dhaga de jaayega
Mere dushman ko mere ghar ka pata de jaayega
Mujhe paagalon se dosti karna pasand hai
Kyunki mushkil mein koi samajhdaar kaam nahi aata
Aao taalluqaat ko kuch aur naam dein
Yeh dosti ka naam to badnaam ho gaya
Darja bandi dekhi jaaye to hamara yaar awwal hai
Rooth jaane mein, dil jalaane mein aur bhool jaane mein
Kuch aisa tha aap mein jo humein bahut achha laga
Warna hum bhi yun hi kisi ko dost banaya nahi karte
Khayaalon ne uske sheher mein shab apni guzaar di
Baad-e-saba chali to khush ho kar lagi mujhe
Furqat ki saahton ne pareshaan kar diya
Dukhon ki tez dhoop thi, saaya lagi mujhe
Ek ajnabi ko dekha to mehmaan laga mujhe
Barson ki baat, aaj bhi kal ki lagi mujhe
Saaya kabhi thi dosti hoti thi ek misaal
Yeh dosti bhi ab to dushman lagi mujhe
Kya kya na yaad aaya guzra huwa zamana
Guzre dino ki yaad bhi hairaan lagi mujhe
Khaamoshiyan, udaasiyan hain zindagi ka khel
Ek khushnuma awaaz thi, humdum lagi mujhe
Shikwe shikayatein, dilaase, tasliyaan
Uski kamaal guftagu achhi lagi mujhe
Lagta hai chaand shab ko anwar kabhi kabhi
Us ajnabi ki dar par dastak lagi mujhe
Jahan na tu, na teri yaad ke qadam honge
Dhra rahe hain, wahi marhale safar ke mujhe
Yeh din yun hi guzar jaayenge,
hum dost ek din bichhad jaayenge.
Aap naraaz na hona meri shararat se,
ek din yeh pal yaad aayenge.
Dost Ke Liye Acchi Shayari Lines
Har pal ki dosti ka iraada hai aapse,
Apnapan hi kuch zyaada hai aapse.
Saath rahenge aapke umr bhar ke liye,
Hamesha dosti nibhaayenge waada hai aapse.
Lakeeren to humaari bhi bahut khaas hai,
Isiliye aap jaisa dost humaare paas hai.
Milna bichhadna sab kismat ka khel hai,
Kabhi nafrat to kabhi dilo ka mel hai.
Bik jaata hai har rishta is zamaane mein,
Sirf dosti hi yahan note for sale hai.
Chand lamhon ki zindagani hai,
Nafraton se jiya nahin karte.
Dushmano se guzaarish karni padegi,
Dost to ab yaad kiya nahin karte.
Jo tu chahe wo tera ho,
Roshan raatein aur khoobsurat savera ho.
Jaari rahein humaari dosti ka silsila,
Kaamyab har manzil par dost mera ho.
Waada na karo use tum nibha na sako,
Chaho na jisko use tum pa na sako.
Dost to duniya mein bahut hote hain,
Par ek khaas rakho, jis ke bina aap muskuraa na sako
Ek chingaari angaar se kam nahin hoti,
Saadgi shringar se kam nahin hoti.
Ye to apni-apni soch ka fark hai,
Varna dosti bhi kisi pyaar se kam nahin hoti.
Kuch khoye bina humne paaya hai,
Kuch maange bina humein mila hai.
Naaz hai humein apni taqdeer par,
Jisne aap jaise dost se milaaya hai.
Har koi saath ho ye zaroori nahin hota,
Jagah to dil mein banaayi jaati hai.
Paas hokar bhi dosti itni atoot nahin hoti,
Jitni ki door reh kar nibhaayi jaati hai.
Aapki dosti ki ek nazar chahiye,
Dil hai be-ghar use ek ghar chahiye.
Bas yuhi saath chalte raho ‘ae dost’,
Ye dosti humein umr bhar chahiye.
Pyar Bhari Shayari Doston Ke Liye
Aap jaisa dost har ek ka khwaab hota hai,
Zindagi mein jinka ek alag andaaz hota hai.
Mana ki aasmaan pe laakhon hai taare magar,
Aap sa dost taaron mein bhi aaftaab hota hai.
Pyari si dosti ko salaam hamara,
Aap kaise hain sawaal hamara,
Yaad karte rahenge ye wada hamara.
Gulaab ki mehek ko churaya nahi jaata,
Sooraj ki roshni ko chhupaya nahi jaata.
Dooriyaan chahe kitni bhi ho doston mein,
Lekin chaahkar bhi doston ko bhulaya nahi jaata.
Maangi khushiyan to zindagi de di,
Andheron ne bhi hume roshni de di.
Rab se poocha mere liye kya haseen tohfa hai,
Jawaab mein usne aapki dosti de di.
Aasman se tod kar sitara diya hai,
Aalam-e-tanhai mein ek sharara diya hai.
Meri kismat bhi naaz karti hai mujhpe,
Khuda ne dost hi itna pyara diya hai
Har pal ki dosti ka iraada hai aapse,
Apnapan hi kuch zyaada hai aapse.
Saath rahenge aapke umar bhar ke liye,
Hamesha dosti nibhaayenge wada hai aapse.
Rishton ki yeh duniya hai niraali,
Sab rishton se pyari hai dosti tumhari.
Manzoor hain aansoo bhi aankhon mein hamari,
Agar aa jaye muskaan honton pe tumhari.
Rishton se badi chahat aur kya hogi,
Dosti se badi ibaadat aur kya hogi.
Jise dost mil sake koi aap jaisa,
Use Zindagi se koi aur shikayat kya hogi.
Pyaar ki kami ko pehchaante hain hum,
Duniya ke gamon ko bhi jaante hain hum.
Aap jaise dost ka sahaara hai,
Tabhi to aaj bhi hanskar jeena jaante hain hum.
Khud pe bharosa hai to Khuda saath hai,
Apno pe bharosa hai to dua saath hai.
Zindagi se haarna mat ae dost,
Zamaana ho na ho ye dost tere saath hai.
Heartfelt Dosti Poetry In Roman English
Dosti to ek jhoka hai hawa ka,
Dosti to ek naam hai wafa ka.
Auron ke liye chahe kuch bhi ho,
Hamare liye to dosti haseen tohfa hai Khuda ka.
Dost haalaat badalne wale rakho,
Haalaat ke saath badalne wale nahi.
Har khushi se khoobsurat teri shaam kar doon,
Apna pyaar aur dosti tere naam kar doon.
Mil jaye agar dobara ye Zindagi ae dost,
Har baar ye Zindagi tujh pe qurbaaan kar doon.
Dosti Zindagi mein roshni kar deti hai,
Har khushi ko doguni kar deti hai,
Kabhi jhoom ke barasti hai banjar dil pe,
Kabhi amaavas ko chaandni kar deti hai.
Milna bichhadna sab kismat ka khel hai,
Kabhi nafrat to kabhi dilon ka mel hai.
Bik jaata hai har rishta is zamaane mein,
Sirf dosti hi yahan note for sale hai.
Sitaron ke beech se churaya hai aapko,
Dil se apna dost banaya hai aapko.
Is dil ka khyaal rakhna,
Kyunki is dil ke kone mein basaya hai aapko.
Dil se likhi baat dil ko chhoo jaati hai,
Ye aksar ankahi baat keh jaati hai.
Kuch log dosti ke maayne badal dete hain,
Aur kuch logon ki dosti se duniya badal jaati hai.
Aapki dosti ki ek nazar chahiye,
Dil hai beghar use ek ghar chahiye.
Bas yoonhi saath chalte raho ae dost,
Yeh dosti humein umr bhar chahiye.
Ret ki zarurat registan ko hoti hai,
Sitaron ki zarurat aasman ko hoti hai.
Aap humein bhool na jaana,
Kyunki dost ki zarurat har insaan ko hoti hai.
Wo dil kya jo milne ki dua na kare,
Tumhe bhool kar jiyun ye Khuda na kare.
Rahe teri dosti meri Zindagi ban kar,
Ye baat aur hai Zindagi wafa na kare.
4 Line Dosti Shayari In English
Din beet jaate hain suhaani yaadein bankar,
Baatein reh jaati hain kahani bankar.
Par dost to hamesha dil ke kareeb rahte hain,
Kabhi muskaan to kabhi, aankhon ka paani bankar.
Koi dost kabhi puraana nahi hota,
Kuch din baat na karne se begaana nahi hota.
Dosti mein doori to aati rehti hai,
Par doori ka matlab bhulana nahi hota.
Dosti ka shukriya kuch is tarah ada karun,
Aap bhool bhi jao to main har pal yaad karun,
Khuda ne bas itna sikhaya hai mujhe,
Ki khud se pehle aapke liye dua karun.
Chhoo le aasman, zameen ki talaash na kar,
Jee le Zindagi, khushi ki talaash na kar,
Taqdeer badal jaayegi khud hi mere dost,
Muskuraana seekh le, wajah ki talaash na kar.
Teri dosti ne bahut kuch seekha diya,
Meri khaamosh duniya ko jaise hansa diya,
Karzdaar hoon main Khuda ka,
Jisne mujhe aap jaise dost se mila diya.
Zikr hua jab Khuda ki rehmaton ka,
Humne khud ko khush naseeb paaya,
Tamanna thi ek pyaare se dost ki,
Khuda khud dost bankar chala aaya.
Wo dil kya jo milne ki dua na kare,
Tumhe bhool kar jiyun ye Khuda na kare,
Rahe teri dosti meri zindagi ban kar,
Ye baat aur hai zindagi wafa na kare.
Dosti cheez nahi jatane ki,
Hume aadat nahi kisi ko bhulane ki,
Hum isliye aapse kam baat karte hain,
Ki nazar lag jaati hai rishton ko zamane ki.
Barsaat aaye to zameen geeli na ho,
Dhoop aaye to sarson peeli na ho.
Ae dost tune yeh kaise soch liya ki,
Teri yaad aaye aur palken geeli na hon.
Dost Ke Liye Lines In English
Har dosti dil ke kareeb nahi hoti,
Gamo se zindagi door nahi hoti.
Ae mere dost dosti sanjo ke rakhna,
Har kisi ko dosti naseeb nahi hoti.
Diye to aandhi mein bhi jala karte hain,
Gulaab to kaanton mein hi khila karte hain.
Khushnaseeb bahut hoti hai wo shaam,
Jisme dost aap jaise mila karte hain.
Ye dosti chiraag hai jalaaye rakhna,
Dosti khushboo hai mehakaye rakhna,
Hum rahe aapke dil mein hamesha ke liye,
Itni jagah dil mein humare liye banaaye rakhna.
Ek jaise dost saare nahi hote,
Kuch hamare hokar bhi hamare nahi hote,
Aapse dosti karne ke baad mehsoos hua.
Kaun kehta hai taare zameen par nahi hote.
Duniyadaari mein hum thode kacche hain,
Par dosti ke maamle mein sacche hain.
Hamari sacchai bas is baat par qayam hai,
Ki hamare dost humse bhi acche hain.
Suraj ke saamne raat nahi hoti,
Sitaro se dil ki baat nahi hoti.
Jin dosto ko hum dil se chahte hain,
Na jaane kyo unse mulaqat nahi hoti.
Socha tha na karenge kisi se dosti,
Na karenge kisi se wada.
Par kya kare dost mila itna pyaara ki,
Karna pada dosti ka wada.
Kahin andhera to kahin shaam hogi,
Meri har khushi tere naam hogi.
Kabhi maang kar to dekh humse ae dost,
Hontho par haseen aur hatheli par jaan hogi.
Har khushi se khoobsurat teri shaam kar doon,
Apna pyaar aur dosti tere naam kar doon.
Mil jaye agar dobara ye Zindagi ae dost,
Har baar ye Zindagi tujh pe qurbaaan kar doon.
Zindagi nahi hume doston se pyaari,
Doston ke liye haazir hai jaan hamari.
Aankhon mein hamari aansoo hai to kya,
Khuda se bhi pyaari hai muskaan tumhari.